Ég er alveg tótallí að sökka í þessu bloggi eins og fyrri daginn. Nú spyr sig margur, ha? Sísí vakandi klukkan 6:39 að morgni!! Já, hún er ekki farin að sofa. En jú, ég er sko komin á fætur.

Ég vaknaði klukkan 5:45 í morgun. “Sísí viltu blanda”. Ég var ekkert smá rugluð í hausnum og sagði við bróður minn að blanda bara aðeins sterkara. “Nei, Sísí viltu blanda. Þú veist ekki hversu oft ég hef farið á fætur fyrir þig”. Bróðir minn var s.s. að fara að dimmitera. Ég fór á fætur stuttu seinna. Blandaði margfaldan bacardi lemon í sprite. Bróðir minn bað mig um að smakka hann til. Nei, lét hann nú bara um það sjálfan. Skutlaði honum svo heim til vinar síns og þar situr litli karlinn núna, í ljósbláum kærleiksbjarnabúning og sötrar áfengi!

En ein svona skemmtileg saga. Við fórum á Select á leiðinni heim til vinar hans. Ég skipaði honum að fá sér eitthvað í gogginn áður en hann færi að drekka. Svo fer hann á kassann og segir: “eina pylsu takk”, og konan svarar “klukkan hvað”… bróðir minn bara haaaaaaa…. “bara eina pylsu núna”…. ein aðeins smá utan við sig ætlaði að segja “eitthvað fleira”.